تـــــــازواروت

راحغ أدوار نـو، راخ تمازيرت ئينو، فرحخ بزاف، أساد أيكان آس أخاتار آس آد أيايتما ديغ س يان ؤودوار اسم نس : "أدوارن  تيغزى، تمازيرت نايت ؤومديس ك تمان دمنات، " أدوار آد ك لان لجدود نو.

ديغ س داريات تمغارت اسم نس "لالة عيشة"، يات تمغارت إمقورن كودوار آد، إسن أمزروي ؤولا لعوايد نس، سقساغت فلاتسنت تنايي : " ؤر رادام ئينيغ يات أريك تكيورت أتيشت كرا نوركيمن د كران ن تامنت . مكدا نسن، أيت ؤودوار آد سخان بزاف، عـزان دارسن مدن :

...(يان ؤوزﮔن نتاسعت). شيغ ما يكفا ربي، نطسا، تفرح تمغارت بزاف، ءار تعجاب أليك ت سقساغ ف تمازيغت، تنايي إيس تيغال ئيس كولو مدن تون تاشلحيت والا أمزروي نسن ، نيغ آس : " ؤوهو ألالا عيشة" لآن كران مدن ؤورتون تاشلحيت، تسنت ماييديوزن آد سمونغ لعوايد نون ؟ يات تمسمونت اسم نس "أناروز –ن- دمنات"، ترا أتسغلي س واتيك ن تمازيغت، إيك آغ تعاونم س تايري نون إيتمازيغت د تمازيرت نون، تامغارت تفرح باهرا أر تسغروت تبدو آر يتعـــــــاواد.

   -  Z تامغرا : أدوار ن تيغـزى : أيت ؤ ِمديس

دانّ تاشكا كولو تكات نوسلي .(أسلي نتان ؤوهو). دانّ تاوين لحنا، تيني، سكر، أشكند دار أيت دارس ن تسليت، سقـسان إيس ران آسن كفن إليتسن، إيك ران، دان تعاوادن آشكنن (أس داد سكرن)، آويننن أﮔرن، ئيقشابن، ليزار، إيهركاس، أعبروق، الزيت، السكر، لحنا د إكرو. داد إيساتي آياد يان ؤوركاز دايسطسا مدن، فوفلا ن يات تسردونت تومليلت . فغند تمغارين س دارس آرت كاتنت سيهركاس سنت، آرت تعايارت آر آس تينيت ؤور تيويت يات (س تاطسا) دايتﮕاوار ؤورﮔاز فوفلا ن تسردونت آد آريك تشا إيردن  ، سكشمنت تمغارين إيكتلان، إيكشم ؤوركاز آن داد يوسين  "نفقت"، دوياض  سك تاكات نوسلي.

كران تمغارين داس آقمانت لحنا ئيتسليت، سلسنت آس أقشاب ؤومليل د ئيهركاس، ﮔانت آس تاعبانت (تاسدويت). متونت ءاقمونس س يان إيفتيل ؤومليل آر تينينت :

       الله إيزوار آغ  سوفـلّـى                  بسم الله إزوار آغ  ربـــــي

               ّژلد إيضوضان نم ءايلّـــي                  أدام نغم الحنا ﮔ ئيكيوال ن ئيـمام

                                                                                      (كرات تيكال)

داس تعاوادنت كرات تيكال ءار سكارنت بركوكس ءار تغنانت :

               سماسامت أتيزدك ؤسياس                سماسامت أتيمزوارين .(تيمغارين دا يتاهلن يات تيكلت).

 سماسنت داغ ءاريك إنوا ، داس تكانت ؤودي إحران شنت، عاد أتـبـدو تمغرا، داد ءاقرانت ئيمدن، ءار سوجادانت تامشوت نمدن (الطواجن، سكسو..) ءاريك غرسن دار العاصر.

ئيك كشمن مدن داد بطونت تمغارين ﮔ يات تاينيت ءار تحواشنت ءار تينينت تينضام :

                             " ءاتيزويت مر كيغ وان كميني (ءار  تينين إيركازن) " واييه ءاوا ييه"

                             " تّرسغ ف ؤوجديك إيك ئيرا وولي"..........................." واييه ءاوا ييه"

دانسانت تمغارين د ئيركازن آر تحواشن آر تيفاوت، سنينت تاسليت ف تسردونت داف إيني ؤوركاز داد ئيوين إكتلان ك تيزووري  (ءار تالا إماس ن تسليت)، إيمون د تسليت عميس نغ خاليس، دان تراحا دار تيكمي نوسلي مناكارن ديداس أيت دارس نوسلي س لحليب د تيني د يات تكلايت، داتسا لحليب آر تروشو مدن داد إيحاضرن ترز تاكلايت كيمي نتكمي) ف  تفلوت) تشّ يات تﮕرو يات ياضنين ءاريك ت تكفا ئيوركاز نس. ءار تيفاوت نوسكا نس، داد تاشكا تمغارت نس تكف ءاس تامنت د ؤودي، ءاس ءاغ داد ءاقران ئيمدن، ءاريك شان، إيكشم ؤوسلي ءاس ن تلتيام ئيكساس أعبروق, إبي ءاس تاونزا.

 ءارتيفاوت, داد سغروتنت تمغارين ءار كاتن إركازن س لبارود . عاودنت تمغارين آر سكارنت بركوكس ءار تاريرنت ءار ئيمالاسّ. داد تاشكان ءايت دارس ن تسليت ءاويند أروكو، ئكتلان، تازرورت, زايدن كرا سك دارسن (لكواش، تيكلاي، إشيشاون، أغروم تازربيت، إكتلان( آر تغنانت :       آمز ألالا تيسورا تومليلين كوفوس.

ءاريك تراح ﮔ تﮕمي نوسلي، داتربو إماس ن تسليت إليس، ءار سرس تدور ك ؤحواش... سقساغ لالا عيشة ماخ ءاسرس تحواش تنايي ءاشكو داتكا تفروخت تيمرضيت إوركاز نس تطوعت .

ديد ءاﮔ تكمل تمغرا أيايتما، تعاود آر تسغروت لالة عيشة آر تحواش.

Z- ليسلام / أسختن   ﮔ ؤودوار ن تيغزا (آيت ؤومديس)

سقساغ حنا تودا تنايي : ئيض للي ن واس نوختان داد سكارنت تمغارين بركوس  آرتينيت لعوايد :

  "بسم الله إزوار ءاغ  ربـــي           بســــــم الله إزوارغ سوفلى

   سماسامت داغ ءاتيمـزواريـن         سما سامت داغ ءات ئزدك ؤسيـاس*

             سماسامت داغ ءات ئيزيض وانو*

*إزد ك ؤسياس : إزدك بركوكس ك ئيزدار ن تيكينت ستين وامان سوفلى

*إيزيض وانو : ءا ريك إنوا بركوكس، داد سراسن ك تقسريت كانت  تامنت كوكنسو.

- ئيض ءاند داد سكارن إمنسي ئي مدن (طواجن، سكسو، تيفيي، أتاي...) ءار تحواشن ءار أماس ن ئيض، داتودون مدن س  تﮕما نسن. ﮔاورن غير آيت تاكات نوفروخ، د تمغارين داد نسان ئيض آند ءار سكارن سكسو إوحدجام. د تيكينت ن تكلاي. ئيراحد ؤوسكا، سكرن ؤوركيمن فضرن ، دون آيت تاكات د وادجارن س يان ؤونرار إخاترن، سون تيزرباي د ﮕﻴرتال، مون مدن، ءاوين أفروخ، سّلسن آس تاجلاييت تومليلت، ديهركاس ؤومليلن، دات إيساتي عميس نغ كماس نغ باباس ءاوينت س دار ؤوحجام، ءار سكارن لعوايد :

            - ءا تيزمت ءا تاوراغت مانكا يالاّ ؤوربا     ءار يالاّ  ﮔ  دار ليسلام.

    ءار ترارانت تمغارين .

             حاشا ؤورا يالاّ (ءار ءاس تعاوادنت)

إسختن ؤوحجام ءافروخ، تربوت ئيماس ئيلسان تكشيطّ تومليلت. (ءار تالا).

داد سوان سكسو، س ؤودي إحران، خضرنت س تكلاي تيحجامين، شنت مدن ﮔونرار، ءار سكارن أتاي د لقطبان. ءاريك ئراح ئيض سكرن لعامت، تمغارين ديركازن، سكرن ئيّسان د لبارود ءار تلعابن ءاريك ئلكم لفجر، ءادجن كولو إكتلان د ئيسان كونرار، نسن تامانسن ءار ءاسكا نس، داد سناين أفروخ دا يختن فوايوس ؤومليل ك ئيلا ؤقهوي ءارت سدورون كونرار ءاريك ئراح الظهر، ءاشكند شن إمكلي دايتكان غير طواجن. تاسيد ئيماس نوفروخ ئيكتلان تكين ف تسردان. تزوكرينت يات س سيات ءار تيكمي، ئيماس نوفروخ دا تفراح ءار تصا كولو إمال ءاس آند (السيمانا)، باش ءايزري ؤوختان ن ئيويس ﮔ لفرح د ءاور ئيشقو, ءار ءاس تـقضو ئي ؤفروخ كولو مايرا ءار ئيك ئيجي.

Z- لعوايد ن لعزا . أدوار ن تيغزا : أيت ؤمديس

سقساغ ؤتما حسنا , دايدرن ك تمازيرت، تسن كولو لعوايد نس، تنايي : إيك ئيموت كرا ن يان ، دانالا والايني ؤر دا نسغويو، دان تاشكان ئركازن ، ءاوينت س  تيمزكيدا )لجامع( ياريد، إيتياكفان ( إخصا كايكات تاكات ءادارس ييلي لكفن نس).

داد بدونت تمغارين ك تكمي نوادا ئيموتن...ءآريك ن متان وادا ئموتن، غرن فلاس كران لقران ءاشكند غرسن(ئيزيمر نغ تافوناست) ءاشكو ئيض ءاغ ءاد سكارن لمعروف، نكني ؤورءا نتاوي تيرام مكدا ئيلان ك تميزار ياضنين، ئيض ءاغ كولو ءادوار دايشتا ئيمنسي ك دار تكمي ن وادا ئموتن، ءاسكا نس داد سكارن الطلبا، غرن ئي ئيركازن نودوار (تيمغارين ؤوهو)، ءاس ويس كراض، دا تودونت تمغارين سوسمضل،  كسنت ءاس ئكشوضن سك ؤوفلا نس، كانت فلاس يات تمضليت ن وامان، كانت لحنا ك يان ؤودغار ك  ؤسمضل ءاغولند .

ءاس ن "ربعين" دا تكانت تمغارين لحنا د تازولت  د تسويك، تامغارت نوركاز نتات داتكس لحق ن ربي آس ن 4 شهور د عشر يام، ؤرءات ساقولن ئرﮔازن، غير ئويس نغ عميس نغ كماس دا تاغول س دار ءايت دارس تكس " لحق ن ربي" .

 مكاد ءايكان لعوايد ن لعزا.

تـودرت  بـويـضودان