A lliàawen a walli d nettmun inna gh llix
Illa yin gis lghrêd inew a serk nsawal
Ur jjun d nettan ad anx ur innin mqqar
A menck ayad nggiwer urta ten akw ufix
Nsaqsa f uzemz is yusi tawullut
Is ikrez yasi tagat nnes ar iserwat
Is as ifka wamud aslal llis iwin
A sers ikkes ajdîd nnes ikafa fellas
Waxa a gwma hayyi dark ma kullu tennit
Ad ak nfek lwijab nnek nrar ak awal
Nekkin a gwma ghemkad ax tennit illa nit
Menck ayad udênx fellak ur nessin
Mamenk a tegit mnid n tlalit n wussan
Azemz ighder gh mnid nnes ittu tawullut
Ibbi tilday amud ifk at i ukentûr
Alligh as icib ibeddn fellas ighres as
Ighama igen ghilad intel t akw usaghur
Ar ukan gis ittazal uccen f ikerwan
Ighama d ghikkad iggiwer ar nqqan ussan
Allah a gwma ghemkad iskar lhâl i yan
Alligh ifel umekraz aslal n taffiwin
Agwin id bab n taddart ad ccen tamment
Allah a gwma is yad ingha wakal aman
Alligh a yexsi wadû s waman n takat
Azemz igh yudên mad ittwalan attân
Mdun ad gen mdden gin kullu taghuyyit
A wanna ur igin u darsen tawit lmut
Attân igh d ilûh idâren a ytters ukan
(,,,,) a fad ittluly a ten ghwin
a zund igh ira ddax yasi timillut
lbaz a tega tamadûnt n wussan nnex
